Дајте ни крилја :: Архива 2014


Пристапница

Станете дел од нашето здружение и допринесете кон подобар и посреќен свет...

повеќе >

 


Прашај го докторот

Добијте одговори за сите прашања поврзани со дисфунцкии, хендикеп, ретки болести и посебни потреби...

повеќе >

 


Подарете лек или друго

повеќе >

 


БАЛ НА РАЗЛИЧНОСТИ 2014

      Тимот на здружението Дајте ни крилја, на ден 27.11.2014 година во Македонскиот Народен Театар под раководство на Ребека Јанковска - Ристески, претседател на Дајте ни крилја, по вторпат на просториите на нашата држава Р. Македонија ја организираше културната манифестација „Бал на Различности“.

      Настанот беше под мотото Да ги споиме нашите светови и беше поделен во два дела, програмски и ревијален (голема сцена и фоаје на МНТ).


      На манифестацијата Бал на Различности и претходеа 3 месеци интензивни подготовки. Во рамките на подготовките познатите личности ги вежбаа своите настапи со лицата со посебни потреби, креирајќи исклучителна програма која вклучуваше голем број на професионалци (оперски певци, професионални танчери, естрадни уметници, актери, музичари, модели, менаџери...), 30 волонтери (студенти, средношколци, жени) и 30 лица со посебни потреби од различна возраст.


      Целта на Балот на Различности е да ја подигне свесноста и односот на нашето општество кон лицата со посебни потреби. Нашиот настан има силна порака, а тоа е ДА ГИ СПОИМЕ НАШИТЕ СВЕТОВИ. Лицата со посебни потреби се вклучени во секој сегмент од настанот. Врвни имиња од нашата Естрата, како и врвни солисти од Македонската Опера и Балет заедно настапуваа на сцената на МНТ со инклузивни точки и им понудија на посетителите двочасовно незаборавно искуство со многу емоции. Уникатноста на настанот е токму тоа. На овој начин сакаме да им покажеме на луѓето дека и лицата со посебни потреби се дел од нашето опкружување, тука се и треба да им се подаде рака, да се биде солидарен, хуман и свесен за нивното постоење и нивните права. Покровител на настанот оваа година беше г-ѓа Маја Иванова на што се посебно горди. На настанот имаше и модна ревија на девојки со посебни потреби (студент на моден дизајн) поддржана од Елена Лука, на која продефилираа 10тина дами од повеќе професии, меѓу кои и некои познати личности од јавноста. Во ревијата земаа учество и Оливера Накова - Бикова - светски првак во стрелаштво. На сцената на МНТ имаше и сликарско платно каде секој од учесниците можеше по свој извор да нацрта нешто и на тој начин да остави печат, спомен, потсетување дека сите сме исти, но сепак различни и дека убавината е во различноста. Ова платно ќе патува низ Македонија и надвор од нејзините граници, а него ќе сликаат многу луѓе за да на крај го изложиме како симбол, доказ дека сите сме дел од една иста „слика“. Учесниците, децата беа пресреќни што ќе можат да настапуваат на сцената на новиот театар заедно со докажани артисти, пејачи, уметници. Се подготвуваа со голема возбуда. Сите настапи беа проследени со огромен интерес, емотивни доживувања и огромни громогласни аплаузи.


      Во вториот (ревијален) дел свој настап имаше познатиот џез музичар Тони Китановски. Сето тоа беше проследено низ еден скромен коктел и чоколадна аукција во соработка со здружението Позитивно.

      Балот на Различности беше распродаден до последното место, што значи дека беше исполнет целиот капацитет н салонот на МНТ, односно 500 седишта (100тина гратис билети), а се бараше и билет плус.


      На Балот на Различности како и на претходниот, беа вклучени 15 (петнаесет) волонтери ученици на средното училиште Нова.

      Се погриживме сите да бидат облечени во свечена тоалета, соодветен стајлинг со помош на нашите пријатели Елена Лука, Мое студио Дадар и Студио Арт

      Остваривме многу соништа.

      На настанот беа присутни еминентни лица од сите сфери, како од јавниот, така и од политичкиот свет на нашата држава. Со своето присуство и поддршка не почестија и неколку претставници од министерства, директори на еминентни компании, амбасадори и познати уметници.


      Целиот настан Бал на Различности во текот на неговото подготвување и пред самиот почеток беше промовиран на многу медиуми, а беше подготвено и видео на коешто автор (сценарист) е Ребека Јанковска Ристески. Видеото се емитуваше на МТВ и на рекламни видео ѕидови низ трговските центри во Скопје.

      Поддршката од страна на Министерството за култура и г-ѓа Маја Иванова на еден ваков настан е од големо значење.


 

Ви благодариме,

Со почит,

Ребека Јанковска Ристески
Дајте ни крилја

 

БЛАГОДАРНОСТ:

  • МИНИСТЕРСТВО ЗА КУЛТУРА НА Р. МАКЕДОНИЈА
  • Г-ЃА МАЈА ИВАНОВА
  • PROEVENT SOLUTIONS
  • МРТВ
  • ЕЛЕНА ЛИКА
  • МЕЃУНАРОДНО УЧИЛИШТЕ НОВА
  • ARCELOR MITTAL
  • МНТ
  • ВЕЛОСИПЕДИСТ
  • SKOVIN
  • SUG LAZAR TANEV
  • POZITIVO
  • МОЕ СТУДИО ДАДАР
  • АРТ СТУДИО СРЕТЕН КОСТИЌ
  • ГОРСКА
  • DINERS CLUB
  • AWARD
  • MPPS
  • METROPOLIS RADIO
  • ВЕЧЕР
 

Пребарување



Дајте крилја



Бидете хумани, дајте им крилја на оние на кој највеќе им требаат. Донирајте на:

жиро сметка
300000003190463
Комерцијална банка АД Скопје.

210-0665242501-41
NLB Тутунска Банка

девизна сметка

0270100278631

Комерцијална банка АД Скопје

ИНФОРМАЦИИ
 

 Име на маратонот
Скопски маратон

 Датум и време на одржување
8 Мај 2011, 09.00 часот

 Старт и Цел
Стартот за сите трки е на улицата Димитрие Чуповски (кај Вегера). Сите учесници треба да бидат на стартот најдоцна до 8.30 часот на 8 Мај 2011. Целта на сите трки е кај Плоштадот Пела.

 Покровители
Град Скопје, Мисија на Европската Унија, Агенција за млади и спорт

 Организатори
Сојуз на спортови на Скопје, Атлетска Федерација на Македонија и АК “Работнички” – Скопје

 Помагатели
Министерство за внатрешни работи, АРМ и Црвен Крст на Град Скопје.

 Други учесници во организација
Во организација на Скопскиот Маратон како и секоја година учествуваат и: Факултет за Физичка Култура, ДСУ М.М. Брицо, Јавните претпријатија на ГрадСкопје, Градски Планинарски Сојуз, Сојуз на спортски Федерации на Македонија, други Спортски здруженија, над 400 волонтери.

 Адреса на организаторот
Сојуз на спортови на Скопје
ул. Ј.Х.Џинот бр.12 а
1000 Скопје, Македонија

 Трки
- 42.195 км - маратон / старт 09.00
Право на учество имаат лица постари од 18 години. Нема да биде дозволен настап на лица под 18 години на денот на трката. Се трчаат два круга низ улиците на Скопје. Стартнината за оваа трка изнесува 400 денари. Секој натпреварувач добива стартен пакет. Пријавувањето ќе се врши како што е предвидено во упатството за пријавување. Категории:машки и женски
- 21.097 км - полумаратон / старт 09.00
Право на учество имаат постари од 16 години. Помладите од 18 години треба да имаат писмена согласност од родителите. Се трча еден круг низ улиците на Скопје. Стартнината за оваа трка изнесува 400 денари. Секој натпреварувач добива стартен пакет. Пријавувањето ќе се врши како што е предвидено во упатството за пријавување. Категории:машки и женски
- 5 км - Хумани и активни, хуманитарна трка за рекреативци / старт 09.05
Оваа трка е од масовен карактер наменета за сите граѓани. Право на учество имаат сите постари од 15 години, а помладите од 18 години треба да имаат писмена согласност од родителите. Се трча еден круг низ улиците на Скопје. Стартнината за оваа трка изнесува 200 денари. Пријавувањето ќе се врши како што е предвидено во упатството за пријавување. Категории:машки и женски
- 2 км (за основни училишта)  / 17 април, кеј на реката Вардар, старт 10.00
Скопскиот Мини Маратон ќе се одржи на 17 април на кејот на реката Вардар. Оваа трка е од масовен карактер наменета за учениците од основните училишта од Скопје. Пријавување за оваа трка ќе се врши преку основните училишта и сите учесници треба да имаат писмена согласност од родителите.Категории:машки и женски

 Пријавување
Пријавувањето за учество во маратонот, полумаратонот и трката на 5000 метри ќе се врши на следниве начини:
- со испраќање на пријава по факс на +389 2 3228624 или + 389 2 3117687
- пополнување на он-лине формулар на веб страната на маратонот

 Рокови за пријавување
Рок за пријавување за учество во маратонот, полумаратонот и трката на 5000 метри:
- за маратонот најдоцна до 05 Мај 2011
- за полумаратонот најдоцна до 05 Мај 2011
- за трката на 5000 метри најдоцна до 06 Мај 2011

 Освежитлни станици
Ќе има осум (8) освежителни станици низ целата должина на патеката, со потребните количини на вода и лимун.

 Прва помош
Прва помош ќе има на четири места на патеката, а во движење низ целата должина на патеката ќе има и неколку возила со медицински персонал. Исто така докторска екипа ќе има и на целта на патеката.

 Стартен пакет
Стартен пакет ќе добијат учесниците во полумаратонот и трката на 5000 метри, кој ќе се состои од следните работи: маица со логото на трката, стартен број, програма за трката и освежување.
Стартниот пакет ќе се подига во Сојуз на Спортови на Скопје (тел: +389 2 3228624), на 5 и 6 мај од 10.00 до 19.00 часот, и на 7 мај од 10.00 до 17.00 часот. На истото место ќе се наплаќа и котизацијата.

 Награден фонд
Во трката 5000 метри најдобрите 3 во машка и женска конкуренција ќе добијат стокови награди. Во маратонската трка најдобрите 7 во машка и 5 во женска конкуренција ќе добијат парични награди. Парични награди ќе добијат и најдобропласираните домашни натпреварувачи во маратонската трка. Во полумаратонската трка најдобрите 3 во машка и женска конкуренција ќе добијат парични награди.

 Времетраење
Временскиот интервал за којшто натпреварувачите во трката на 5000 метри треба да стигнат до целта е 1 час по почетокот на трката. После рокот на натпреварувачите на 5000 метри нема да им биде дозволено да ја поминат целната капија.
Временскиот интервал за којшто натпреварувачите од маратонската и полумаратонската трка треба да стигнат до целта е 5 часа по почетокот на трката. По зададениот рок сите натпреварувачи ќе бидат отстранети од патеката.

 Покровители
Коце Трајановски - Град Скопје
Петер Соренсен - Мисија на Европска Унија во Македонија
Диме Спасов - Агенција за млади и спорт
 
 


                                          

 


Да бидеме пријатели


 


Пријатели