Дајте ни крилја :: Архива 2013


Пристапница

Станете дел од нашето здружение и допринесете кон подобар и посреќен свет...

повеќе >

 


Прашај го докторот

Добијте одговори за сите прашања поврзани со дисфунцкии, хендикеп, ретки болести и посебни потреби...

повеќе >

 


Подарете лек или друго

повеќе >

 


Бал на различности

06.03.2013

bal na razlicnosti

Почитувани,

Дали сте се запрашале како е да се биде родител на дете со посебни потреби. Секојдневно се соочувате со проблеми за кои немате долготрајно решение.

Почнувате со прашањето има ли лек или пак медицински третман кој може да му помогне на вашето дете? Почнувате да шетате од авторитет до авторитет за да дознаете што повеќе...а тоа чини средства...налетувате понекогаш на одговори од типот - Оставете го вашето дете во институција, подобро е да умре таму...тоа ви ја распнува душата...веднаш се откажувате од кариера, планови за иднина, работа...се претворате во ревносен барател на информации по интернет...

Ако имате среќа да постои лек за болеста на вашето дете, шансата во Р Македонија да биде тој лек на позитивна листа е само пуста желба...почнувате да го купувате сами...земате кредити, продавате имот...се прашувате зошто за други болести лековите се на позитивна листа, но не и за вашето дете...системот ве дискриминира уште на првиот свијок. За дел од тие лекови не можете да обезбедите ниту пак интервентен увоз - производителите велат не биле заинтересирани за мали пазари и мали количини...а во странство тој лек не можете да го купите во аптека без рецепта на тамошен лекар...а тоа чини пари...многу пари...многу месеци...

Експертите ве советуваат дека за состојбата на вашето дете е потребна рана, но и перзистетна третманска интервенција...системот ви дозволува дефектолог или логопед 2 пати неделно по половина час, а светските препораки велат дека со вашето дете треба да работи стручен тим по точно адаптирана програма барем по 25 часа неделно...повторно продавате имот, повторно кредити и позајмици...системот ви дава еден час неделно.

bal1 bal2

Потоа се сретнувате со проблемот на инклузија во образовниот систем...никаде не го примаат вашето дете...немало дефектолог, немало логопед, немало развоен работник, учителите не биле обучени да работат со деца со нетипичен развој...ако имате средства, приватно си плаќате развоен работник да оди со вашето дете во училиште, ако пред тоа се нафати некое училиште да ви го прими детето...ако не, размислувате за азил во друга држава, каде овие проблеми системски се надминати...

Вашиот најголем страв е што ќе се случи со вашето дете ако вие починете...кој ќе се грижи?...како ќе се грижи?

Соочени со сето ова, почнувате да се среќавате со вашите сопаталници...учите еден од друг...почнувате да си помагате...градите исти цели, исти планови...полека плановите стануваат акциона програма...во еден момент чувствувате дека веќе можете да ги менувате работите во општеството...и тоа се со една цел - лицата со посебни потреби да ги оспособите да можат самите да бидат што понезависни, што помал товар некому, да заработуваат за себе, да се грижат сами за себе. 

bal3 bal5

Пораката што вечерва сакаме да ја испратиме треба да допре најмногу до родителите на децата со посебни потреби. Голем дел од нив се во безизлезна ситуација. Има некои кои се први во редовите кога треба да примаат донации, но кога треба да се изработи некој проект, никаде ги нема. Овој монолог не е плач на родител, туку повик до целото општество да се вклучи во процесот на инклузија на лицата со посебни потреби во сите сегменти во кои овие лица можат да дадат самопридонес...повик до родителите, граѓанството, институциите. Има мали, ситни работи кои многу значат, од адаптирање на тоалети и пристапи, се до системски решенија кои драстично ги менуваат работите. Овој настан е почеток на една акција која треба да не научи сите нас што значи меѓучовечка солидарност, социјална одговорност, а најмногу од се, човекољубие. Крајно време е да научиме да гледаме не само со очи, туку и со срце!

Со Почит,

Ребека Јанковска Ристески

Галерија >>

 

Пребарување



Дајте крилја



Бидете хумани, дајте им крилја на оние на кој највеќе им требаат. Донирајте на:

жиро сметка
300000003190463
Комерцијална банка АД Скопје.

210-0665242501-41
NLB Тутунска Банка

девизна сметка

0270100278631

Комерцијална банка АД Скопје

ИНФОРМАЦИИ
 

 Име на маратонот
Скопски маратон

 Датум и време на одржување
8 Мај 2011, 09.00 часот

 Старт и Цел
Стартот за сите трки е на улицата Димитрие Чуповски (кај Вегера). Сите учесници треба да бидат на стартот најдоцна до 8.30 часот на 8 Мај 2011. Целта на сите трки е кај Плоштадот Пела.

 Покровители
Град Скопје, Мисија на Европската Унија, Агенција за млади и спорт

 Организатори
Сојуз на спортови на Скопје, Атлетска Федерација на Македонија и АК “Работнички” – Скопје

 Помагатели
Министерство за внатрешни работи, АРМ и Црвен Крст на Град Скопје.

 Други учесници во организација
Во организација на Скопскиот Маратон како и секоја година учествуваат и: Факултет за Физичка Култура, ДСУ М.М. Брицо, Јавните претпријатија на ГрадСкопје, Градски Планинарски Сојуз, Сојуз на спортски Федерации на Македонија, други Спортски здруженија, над 400 волонтери.

 Адреса на организаторот
Сојуз на спортови на Скопје
ул. Ј.Х.Џинот бр.12 а
1000 Скопје, Македонија

 Трки
- 42.195 км - маратон / старт 09.00
Право на учество имаат лица постари од 18 години. Нема да биде дозволен настап на лица под 18 години на денот на трката. Се трчаат два круга низ улиците на Скопје. Стартнината за оваа трка изнесува 400 денари. Секој натпреварувач добива стартен пакет. Пријавувањето ќе се врши како што е предвидено во упатството за пријавување. Категории:машки и женски
- 21.097 км - полумаратон / старт 09.00
Право на учество имаат постари од 16 години. Помладите од 18 години треба да имаат писмена согласност од родителите. Се трча еден круг низ улиците на Скопје. Стартнината за оваа трка изнесува 400 денари. Секој натпреварувач добива стартен пакет. Пријавувањето ќе се врши како што е предвидено во упатството за пријавување. Категории:машки и женски
- 5 км - Хумани и активни, хуманитарна трка за рекреативци / старт 09.05
Оваа трка е од масовен карактер наменета за сите граѓани. Право на учество имаат сите постари од 15 години, а помладите од 18 години треба да имаат писмена согласност од родителите. Се трча еден круг низ улиците на Скопје. Стартнината за оваа трка изнесува 200 денари. Пријавувањето ќе се врши како што е предвидено во упатството за пријавување. Категории:машки и женски
- 2 км (за основни училишта)  / 17 април, кеј на реката Вардар, старт 10.00
Скопскиот Мини Маратон ќе се одржи на 17 април на кејот на реката Вардар. Оваа трка е од масовен карактер наменета за учениците од основните училишта од Скопје. Пријавување за оваа трка ќе се врши преку основните училишта и сите учесници треба да имаат писмена согласност од родителите.Категории:машки и женски

 Пријавување
Пријавувањето за учество во маратонот, полумаратонот и трката на 5000 метри ќе се врши на следниве начини:
- со испраќање на пријава по факс на +389 2 3228624 или + 389 2 3117687
- пополнување на он-лине формулар на веб страната на маратонот

 Рокови за пријавување
Рок за пријавување за учество во маратонот, полумаратонот и трката на 5000 метри:
- за маратонот најдоцна до 05 Мај 2011
- за полумаратонот најдоцна до 05 Мај 2011
- за трката на 5000 метри најдоцна до 06 Мај 2011

 Освежитлни станици
Ќе има осум (8) освежителни станици низ целата должина на патеката, со потребните количини на вода и лимун.

 Прва помош
Прва помош ќе има на четири места на патеката, а во движење низ целата должина на патеката ќе има и неколку возила со медицински персонал. Исто така докторска екипа ќе има и на целта на патеката.

 Стартен пакет
Стартен пакет ќе добијат учесниците во полумаратонот и трката на 5000 метри, кој ќе се состои од следните работи: маица со логото на трката, стартен број, програма за трката и освежување.
Стартниот пакет ќе се подига во Сојуз на Спортови на Скопје (тел: +389 2 3228624), на 5 и 6 мај од 10.00 до 19.00 часот, и на 7 мај од 10.00 до 17.00 часот. На истото место ќе се наплаќа и котизацијата.

 Награден фонд
Во трката 5000 метри најдобрите 3 во машка и женска конкуренција ќе добијат стокови награди. Во маратонската трка најдобрите 7 во машка и 5 во женска конкуренција ќе добијат парични награди. Парични награди ќе добијат и најдобропласираните домашни натпреварувачи во маратонската трка. Во полумаратонската трка најдобрите 3 во машка и женска конкуренција ќе добијат парични награди.

 Времетраење
Временскиот интервал за којшто натпреварувачите во трката на 5000 метри треба да стигнат до целта е 1 час по почетокот на трката. После рокот на натпреварувачите на 5000 метри нема да им биде дозволено да ја поминат целната капија.
Временскиот интервал за којшто натпреварувачите од маратонската и полумаратонската трка треба да стигнат до целта е 5 часа по почетокот на трката. По зададениот рок сите натпреварувачи ќе бидат отстранети од патеката.

 Покровители
Коце Трајановски - Град Скопје
Петер Соренсен - Мисија на Европска Унија во Македонија
Диме Спасов - Агенција за млади и спорт
 
 


                                          

 


Да бидеме пријатели


 


Пријатели