Донации до семејство во Старо Нагоричане
Почитувани,
По објавениот апел кој го видовме и истиот го споделивме преку нашата фб страница на Дајте ни крилја, фб група бал на различности, помеѓу нашите пријатели, активисти и хумани луѓе сакаме да ве информираме дека успеавме да собереме неколку вреќи со облека, пакет со храна, купивме лекови за болка, новогодишни пакетчиња за најмалите, и пакет влажни марамици, хигиенски вошки... Истите беа однесени на семејството преку организиран превоз кој ни го овозможи градоначалникот на Старо Нагоричане и неговиот тим кои несебично и со цело срце ни излегоа во пресрет. Донираните работи од наште активисти беа подигнати од Скопје од нашето здружение, дел од донираните работи беа од здружението Инклузива од Куманово, пакетот со храна од Кавадарци, истите беа подигнати од Куманово. Иако ова е само еден мал дел од помошта која им е неопходна на ова семејство, но сепак доволна кога станува збор дека е испратена во право време и прав миг. Секако нашата активност и помош ќе продолжи и после оваа донација, преку друг вид на помош за ова семејство, за кое ќе бидете дополнително информирани. И на крај голема благодарност до неколкуте активисти на дајте ни крилја кои донираа, до инклузива Куманово, неколкуте жени од Кавадарци, др. Милан Ристески и секако градоначалникот на општина Старо Нагоричане и неговиот тим.
Со почит Дајте ни крилја
