За глутенот
Денес речиси ниту еден производител на прехранбени продукти, не може да го замисли своето производство без додавање на глутенот. Ова се должи пред сé на економската исплатливост, но исто така и на вкусот и на изгледот на производите. Со оглед на ова, Ви предлагаме кус преглед на производите, во кои глутенот е неизоставен дел.
Производство на леб и бели печива
Лебот кој содржи пченичен глутен (во однос на оној без него) има рамномерна тенка и воздушна структура, при што обемот на лебот се зголемува од 7 до 9.5 насто, возушноста до 14 отсто, стабилноста на лебот се зголемува до 25 проценти.
Сувиот пченичен глутен како додаток може да ги нивелира отклонувањата во квалитетот на лебот произведен од пченично брашно со висока содржина на целулоза, кое содржи соини додатоци, пченични трици, а исто така и пченкарни преработки, кокосов орев и слично.
Пченичниот глутен веќе 30 години се користи во производтсвото на леб ширум Европа, со што се добива стабилен висок квалитет, без разлика на тоа што постојат 70 типа брашно.
Кондитерски производи
Сувиот пченичен глутен и различните смеси, добиени со неговото користење, наоѓа широка примена при изработката на кондитерски производи со брашно.
Процентуално, во составот на филот на кондитрските производи можат да влезат од 5 до 50 отсто пченичен глутен, при што влажноста на истата се зголемува за 5 до 20 насто, а кај вафлите и бисквитите го зголемува и крцкавото својство.
Паста
При изработката на макарони и друг вид тестенини за варење учеството на пченичен глутен може да достигне 28 проценти, при што се подобрува надворешноста, бојата, а воедно се подобрува и варењето на овој вид производи. Кај пицата, со додавање на 1 до 2 проценти глутен при производството се подобрува конзистенцијата и се намалува навлегувањето на зајрето низ горниот дел од кората.
Производи од месо
Пченичниот глутен е мошне ефикасен додаток за поврзување парчиња месо, од кои се прават шницли, котлети и слично. Кај месните, колбасните и другите месни емулзивни производи глутенот се користи како додаток со процентуална вредност од 2 до 6 насто. Со неговото додавање се зголемува конзистенцијата на месните производи, без оглед на разликата во температурата пред, за време и по приготвувањето. Притоа се зголемува сочноста на производот, а воедно се намалува неговата жилавост.
Полуфабрикати
Користењето на глутенот во производството на полуфабрикати ја зголемува врзивната структура на истите, го олеснува процесот на добивање определена форма, а исто така ја намалува можноста за распаѓање на гоовиот производ, што е особено важно при недостиг на белковини.